Lawngtlai, June 18, 2022 : Lawngtlai AOC Venga MHIP Creche Centre chu Pu H. Lalramfawna, MDC in vawiin khan a hawng.
Pu H. Lalramfawna MDC hawngtu Creche Centre chuan, AOC Veng MHIP ten Creche Centre an buatsaih thei leh a hawng tura an sawm chu lawmawm a ti a. NGO ten hetianga naupang awmkhawmna tur buatsaih duhna rilru an pu chu thlamuanthlak tiin, tangkai taka hmang turin duhsakna a hlan a, Centre thawmthat ngai la awmte chu a MDC Fund hmanga siamthat a nih tur thu a sawi bawk.
He huna thusawitu Pu Sanghuliana Mualchin, Chairman Town Committee, LADC chuan, Creche Centre hawn theiha a awm chu hmasawnna a nih thu sawiin, Lal Isua rawngbawlna peng pawimawh tak a ni a ti bawk.
He hunah hian Centre mamawh phuhruk nan Pu H. Lalramfawna MDC in ṭanpuina ₹. 5,000 a hlan a, Pu Sanghuliana Mualchin-in ₹.2,000 a hlan bawk.
Post a Comment