Lawngtlai, June 23, 2022 : Deputy Chief Minister leh Public Health Engineering (PHE) Department changtu ni bawk Pu Tawnluia’n vawiin khan Multipurpose Hall Beraw Tlang ah PHE Department in kum 2022 atana an hnathawh thlirhona Works Review Meeting ni hnih chhung an neih tur chu a hawnna programme khuallian niin a hmanpui a. Sawrkar Laipui hnuaia Jal Jeevan Mission Scheme hnuaiah thingtlang a cheng te chu a thlawnin tui connection pek vek tur an ni tih sawiin, Sawrkar Laipuiin Scheme tawp tura a tih kum 2024 hma, 2023 a he hna hi Mizoram in thawh zawh kan tum a, hei hi a hlawhtlin ngei nan nasa taka kan thawhho leh tanrual a ngai a ni, a ti. 

Tui hna humhalh pawimawh zia sawiin Pu Tawnluia chuan Sawrkar chuan tui hna humhalh chu a ngaihpawimawh avangin Tlawng Lui humhalhna tur dan a buaipui mek bakah Environment, Forest & Climate Change Department pawhin Mizorama lui lian 16 te humhalhna tur dan an buaipui mek thu a sawi.

Work Review meeting hawnna hi Er. Lalmuanzova, Secretary, PHED chuan kaihruaiin thuhma a sawi a. Vawiin leh naktukah Technical Session chhawng thum neii hun an hmang dawn a ni.

Post a Comment

Powered by Blogger.