Aizawl, June 23, 2022 : Chief Minister Pu Zoramthanga chuan kumina HSLC leh HSSLC result tihchhuah taka HSLC topper mi pahnih te hnenah leh HSSLC topper mi pathum te hnenah Citation leh pawisafai Rs. 50,000 theuh a hlan.
Department of School Education buatsaihin vawiin khan kumin 2022 HSLC leh HSSLC exam a topper te hnenah vawiin khan School Education Department Conference Hall-ah Chief Minister's Award hlanna neih a ni a. CM chuan, Lehkhathiamna chuan eizawnna tha - sawrkar emaw private hnuaiah emaw, sumdawnna emaw mahni kutkawih eizawnna a ni emaw, nei thei turin thiamna min pe a. Eizawnna piah lamah mihring hman tlak, ngaihtuah a changkang a thlen thei a ni a ti a. Zu kaihhnawih natna tam lutuk te, HIV positive tam lutuk avanga khawtlang nun a tihbuai zia sawiin Chief Minister chuan "ruih theithil hi kan phek do a ngai a ni" tiin zirlai kalkhawmte chu zu leh ruihhlo, zuk leh hmuam laka fihlim tlat turin a chah a ni.
School Education Minister Pu Lalchhandama Ralte pawhin thu sawiin Kuminah India state hmun tam taka an theihloh, offline a board exam kalpui theih a ni chu zavai thawhhona that zia lantirtu a nih thu a sawi a. "Zirna hi hmun sang kan chantir chuan kalkawng dik kan ram hian kan zawh dawn a ni" a ti a ni.
HSLC toppers-
(a) Dinsawmkimi, d/o Lalhmachhuana, Hunthar, Aizawl, St. Joseph's HSS
(b) Lalramdina Ralte, s/o Lalthakima, Mission Veng, Aizawl, St. Paul's HSS
HSSLC toppers-
(Arts)
(a) Lalrohlui Ralte, d/o Lalduhawma Ralte, Durtlang Leitan, Synod HSS
(Commerce)
(b) Mercy Laltlansangi, d/o C. Zonunthara, Khatla East, Aizawl, Oikos HSS
(Science)
(c) Simon Lalremsiama Shangpliang, s/o Kyrshanbor Shangpliang, Falkland Veng, Aizawl, St. Paul's HSS
Kumin hian HSLC exam candidate zirlai 17,417 awmin zirlai 12,304 in hlawhtlinna an chang a, HSSLC ah zirlai 11,908 in exam ziakin 9,773 in hlawhtlinna an chang a ni.
Post a Comment