Sangau, June 27, 2022 : Lai Student’s Association, Sub-Hqrs; Sangau chuan an ngenna ngai pawimawh a, District Education Office, Lawngtlaiin Sangau-a Samagra hnuaia Higher Secondary School sakna hmun an sawn chu lawmawm an tih thu an sawi.
LSA Sub-Hqrs; Sangau chuan ruahmanna hmasaah chuan Gov’t Blue Mountain Secondary School Laboratory hmaah Samagra hnuaia Higher Secondary School hi sak a ni a, hei hi tha an tih loh thu leh sawn turin ngenna an thehluh thu an sawi a, an ngenna hi DEO Office lamin ngai pawimawhin June 17, 2022 khan a sir deuh, Gov’t Blue Mountain Secondary School building bul chiahah an sawn tih an sawi.
Sangau-a Samagra hnuaia Higher Secondary School sak hna hi kumin kumin May thla khan Gov’t Blue Mountain Secondary School Laboratory hmaah tan a ni a, LSA Sub-Hqrs; Sangau ngenna avang hian a sir deuh, Gov’t Blue Mountain Secondary School building bulah sawn niin, kumin June khan a sak hna hi thawh tan a ni.
Post a Comment