Lawngtlai, May 6, 2022 : Vawiin, May 6, 2022 khan CYLA Hall, Lawngtlai-III ah YLA General Conference vawi 29-na neih a ni a, rorel palai 563 an kal.
YLA Conference hi vawiin zing dar 10 khan tan a ni a, CYLA President Pu Hc. Vanlalruatpuia’n chawhma hun a kaihruai a, Rev. Lalropeka Chinah, Secy. Central Thalai Pawl, LIKBK in hunserh a hmang bawk.
Vawiinah hian chawhma lamah Pu Jh. Lalrindika, GS in Life Member leh Hruaitu hlun chawimawina hun a hmang a, Life Member mi 3 te hnenah Thuziak hlan a ni a, hruaitu hlun mi 17 te hnenah Chawimawina Thuziak hlan a ni a, rorel chhunzawm a ni.
YLA General Conference rorel vawi 29-na thu pass te :
1. YLA Golden Jubilee 2024 hi ropui tak a lawm leh hman nise.
2. Lai tawng in zirtirna lama hma kan sawn theih nan CYLA in hma la se, a tul angin Sorkar (LADC) thawhpui nise.
3. Lairam huamchhungah Environment humhalh chungchangah CYLA in hma la se.
4. Lawngtlai District ah Institution of Rural Development Training Centre a awm theih nan CYLA in hma la rawh se.
5. LDP (Lawngtlai- Diltlang-Parva) road siam mek hi chak zawk leh tha zawk a thawh anih theih nan CYLA hian hma la rawh se.
6. India North East State a District Council dangte dinhmun ang thuneihna sang zawk ah LADC hi dah anih ve theih nan CYLA in hma la rawh se.
7. Chawngte a Supply Godown leh Inspector Office te hi Chawngte ‘L’ Lunglei District hnuaiah a awm mek a, hei hi Lawngtlai District hnuaia awm ve theih nan CYLA in hma min laksak rawh se.
Vawiin chawhma rorel-ah hian Kumpuan thupui tan Ram leh Hnam Humhalh tih chu thlan a ni a, budget atan Budget- 22,95,000 pawm a ni bawk.
Chawhnu lamah kum 2022-2024 chhunga atana Central Young Lai Association Office Bearers thlanna neih a ni a, President atan Hc. Vanlalruatpuia thlan a ni a, Vice President atan F. Lalrothanga thlan niin, General Secretary atan Joseph Lalhmingthanga thlan a ni a, Asso. General Secretary atan T. Lalremsanga thlan niin, Treasurer atan R. Lalrampana thlan a ni a, Fin. Secreatry atan T. Rohlupuia thlan a ni bawk.
Central YLA hnuaiah hian YLA Branch 115 awm mekin, Sub-Hqrs 7 leh Group YLA 7 an awm a. Joint YLA hi 1 awm in, tun dinhmunah YLA Member hi Mipa 36540 leh Hmeichhia 19820 an vaiin Members 56,360 an awm mek ani.
Post a Comment