Lawngtlai, May 6, 2022 : Nimin khan Pu R. Zoramenga lehkhabu ziah. ‘Entawntlak Mi hlawhtling te’ tih chu LADC a PHE changtu EM Pu HC. Lalthawmliana’n Press Club Lawngtlaiah a tlangzarh.
Lehkhabu tlangzarhtu Pu HC.Lalthawmliana chuan, Lehkhabu rotling leh hlu tak 'Entawntlak Mi hlawhtling te' tlangzarh ani thei hi a lawmawm hle a. He lehkhabu chhiartute tan malsawmna leh hlawkna an chan ngei pawh ka beisei ani,a ti. Tin, eizawnna-ah te, Zirna leh sumdawnna a lo hlawhchham tawh te tan pawh he lehkhabu malsawmna a nih ngei ka beisei tak zet ani, a ti bawk.
He lehkhabu ziaktu hian hun a hmang thiam hle mai a. Hrileng avangin harsatna ram in kan tawk a, kan buai viau ani. Ani erawh chuan hrileng chu tangkai taka hmangin mi beidawng leh harsatna tawk mek te tan beiseina thar an neih theihna tura lehkhabu tha tak a ziak hi a lawmawm hle a. Kan ram leh Hnam tan lehkhabu tha leh rotling tak anih ngei ka beisei tak zet ani, a ti bawk. He lehkhabu ziaktu hian hun a hmang thiam hle mai a. Hrileng avangin harsatna ram in kan tawk a, kan buai viau ani. Ani erawh chuan hrileng chu tangkai taka hmangin mi beidawng leh harsatna tawk mek te tan beiseina thar an neih theihna tura lehkhabu tha tak a ziak hi a lawmawm hle a. Kan ram leh Hnam tan lehkhabu tha leh rotling tak anih ngei ka beisei tak zet ani, a ti bawk.
Lehkhabu tlangzarh inkhawm hi Lawngtlai Today Editor Pu LH.Hauhenga'n kaihruaiin Lehkhabu thlirlawkna hi Tv V.Lalthanzuala'n a nei ve thung a. Esther-i hnena atangin zai ngaihthlak a ni bawk.
Primary School Teacher Association chuan an member zing atanga lehkhabu rotling tur ziak an awm chu lawmawm tiin bu khat Rs 1000 in an lei sak bawk.
Entawntlak Mi hlawhtling te' tih lehkhabu hi phek 118 a chah niin harsatna hrang hrang paltlanga hlawhtlinna chang mi 10 chanchin ngaihnawm taka ziah ani. Man hi Rs. 150 a ni.
Post a Comment