Lawngtlai April, 14, 2022 : Sr. Executive Engineer, Lawngtlai Power Division-in thuchhuah a siam danin, Khawiva atanga Chawnhu (Lawngtlai) 132 Kv line chu Pre-Monsoon Jungle Clearance hnathawh a ni dawn.

Thuchhuaha tarlan a nih danin Jungle Clearance hi Ni 5 chhung, April 19, 2022 (Tuesday) atanga April 23, 2022 (Saturday) chhungin thawh a ni dawn a, hemi hun chhung hian nitin darkar 6 chhung (Zing dar 10 atanga tlai dar 4) thleng heng Sub-Station, Chawnhu, Lawngtlai, Meisatla, Tuipang V, Bualpui NG, Phura leh Siaha in a chawm khua zawng zawng ten power supply an hmu thei dawn lo.

Power Supply khaihlak tur chungchangah Power & Electricity Department, Lawngtlai Power Division chuan mipuite hriathiamna an ngen a ni.

Post a Comment

Powered by Blogger.