Lawngtlai, April 11, 2022 : Nimin tlai dar 2:00 pm khan Tuipui Ferry lei dawhna thlang, Chengpawng Li chhak lamah Lawngtlai Vengpui tlangval pahnih te vanduaina tawkin nunna an chan.
Nimin khan V. Lalsawmliana (28) S/o Vanlalchhuana leh B. Lalruatfela (30) S/o B.Chungliana te leh an thiante chu Tuipui Ferry ah intihlim in hun an hmang a. An thianzaho in lui dungah chengin tui an hleuh a. Lalsawmliana hian tuiah a Slipper a titla palh a, chhar tura tuia a lut chu a inham buai a, a thianpa tuitla chu B. Lalruatfela hian hmuin chhan tumin tuiah a zuang lut a. Tui chen thiam lo an nih avangin an pahnih chuan a tuiah a tla ta a ni. Vanneihthlak takin tui tla pahnih te hi an chhar nghal a. Tuipui Ferry a thianzaho kal thenkhat ten lo buaipui nghalin chanchhuah tumin theihtawp an chhuah a, beiseina sang tak neiin District Hospital, Lawngtlai panpui an ni a. Kawng lakah an boral ta a ni.
Nizan khan an chenna In ah tlaivarpui niin vawiin hian vuiliam ani ang.
Post a Comment