Lawngtlai, April 19, 2022 : MNF President Pu Zoramthangan nimin khan Lawngtlai tlawhin, Areopagy atangin mipui hmaah thu a sawi a, hun harsaah Pathianin MNF Party chu rorel turin a ruat a, harsatna an tawhte chu Pathianin entir duh a neih vang a ni a ti.
MNF President chuan MNF Party Sorkar hnuaiah Covid-19 hmachhawn a ni a, Vawkpul hri a leng a, Burma buai vangin raltlan tamtak Mizoramah an lut a, hun harsa tak hmachhawnin Pathian hruaina vang liau liauin kan paltlang tlang chho mek a ni a ti a, mithenkhat ten, hun harsa a MNF Party in rorelna a chang chu, anchhia ang lek lekin an sawi a, heng hun harsaah hian Pathian chuan entir duh a nei a, chu lam chu mipui ten an thlir thiam a tul a, hunkhirh leh harsaah pawh MNF Sorkar chuan hmasawnna hna a thawkin, thuanawp lovin hmalam a pan zel zawk a ni a ti.
Pu Zoramthanga chuan Congress kum 10 sawrkar laia kawngpui chhiatzia te, MNF sawrkar hnua kawngpui chu ziaawm tak ah kan chhuah a, Gas, Buhfai-ah te harsatna kan tawk lo va, mipui an lawm hle a, Tui leh Power & Electric lamah duhthusam chiah lo mah se, harsatna lian lutuk a awm lo a ti.
Pu Zoramthanga chuan SEDP hnuaiah chhungkaw sing 6 atanga sing7 vel hnenah a bultan nan Cheng Sing 5 theuh sem an ni dawn tih sawiin, Assembly bial tinah chhungkua 1500 aia tlemlo in an dawng dawn a ni a ti.
Chief Minister hi nizanah Lawngtlaiah a riak a, vawiinah thlathar May 5 a Mara Autonomous District Council inthlanna neih turah an Party tan campaign turin Siaha District a pan ang.
Post a Comment