Lawngtlai, March 29, 2022 : Vawiin khan Pu H. Biakzaua MLA & Vice Chairman Agriculture Development Board hoin PHE Department., Complex Lawngtlaiah Flag Off Ceremony ODF plus campaign programme neih niin, hetah hian Sangau RD Block hnuaia bungrua phurtu motor lian panga (5) te chu MLA hian a vailiam.
PHE Deptt., Complex tuala inkhawm tawi neihah Pu H. Biakzaua MLA chuan, "Swachh Bharat Mission (Grameen) hnuaia Lawngtlai District Water & Sanitation Mission, PHE Department-te hmalakna kal zelah Open Defecation Free (ODF) Lawngtlai Dsitrict puma kan inpuan tawh hnuah ODF plus Campaign neih tan leh mek a ni thei chu a lawmawm hle tih sawiin, mipuite chu sawrkar tawiawm tlat zel turin leh sawrkar in thiltha a tihzel theih nan inhawn a pawimawh hle a ni, a ti a. Lawngtlai District Water & Sanitation hmalakna hnuaia Sangau RD Block hnuaia chhungkaw 551 tan bungrua sem tan mek a ni chu a lawmawm tak zet a ni" a ti bawk.
Vawiin vek khan Pu H Biakzaua MLA hovin PHED EE, SDO Lawngtlai Division te leh Pu Lalramliana Colney, President, MNF Dist Hqrs Lawngtlai Pu Lalzahawma Chinzah, Treasurer, MNF Dist Hqrs Lawngtlai te chuan Lawngtlai khawpui chawmtu Greater Water Supply Scheme (GWSS) hmasawn zelna tur tul leh pawimawh hrang hrangte ngaihtuahin an sawiho bawk.
Post a Comment