Rauthla, March 14, 2022 : Mizo Comedian lar leh mite ngainat rawn Lalnunsanga (43) chu vawiin chhun dar 12:35pm khan Civil Hospital, Aizawlah a boral.
Lalnunsanga hi February 28, 2022 khan a thiante nen lengchhuakin, hmun remchang laiah an chawl a. An thu khawmuang chu leiah a lu sawh zawngin a tlu a, chumi hnuah a thianpa scooty ding lai hnunga a thu chu a tla leh niin sawi a ni. Mi tlawmngai ten an in lamah an thlah. A tir lamah ngaihthat lohna em em an nei hran lova, mahse a chetsualna chuan a taksa che thei lova siamin inthiar tur pawhin hruai a ngai ta hial a, hei vang hian Civil Hospital, Aizawlah kalpui niin, ICU-ah dah luh nghal a ni.
Lalnunsanga hi Pi Sanghluni fapa niin, Falkland vengah an cheng a. Lalnunsanga hi kum 2012 LPS Comedian Search-ah khan a tel a, thiam chungchuang tak nimahse, dan thenkhat a zawm loh palh avangin hemi kum hian zatna a hauh lo. Kum 2013 khan Comedian Search-ah hian a tel leh a, hemi kum hian tuma el phak lohin pakhatna dinhmun a hauh ta a ni.
Post a Comment