Lawngtlai, March 15, 2022 : Vawiin khan BRC Hall, LADC ah Land Revenue & Settlement Department, LADC buatsaihin ni hnih awh tur Land Revenue Assessment Preparation cum Training neih a ni.
He hunah hian LADC a Revenues Department changtu EM Pu C. Hrangthianga chuan, Revenue Department chu mipuite nen a inngheng leh in dawr tawn reng an nih avangin thawktute pawh an buai bik hle thin a ni a ti a. In Hmun lo leh ram buaina chinfel a awlsam zawk nan LADC Executive Commmittte chuan Landmark System a ramri siam thin chu Actual Measurement base in ram buai te chinfela ramri te pawh kham tur tih a passed tawh tih a sawi bawk.
Pu C. Hrangthianga chuan thawktute chu in tuaihriamain zirthar zel tur leh tunlai thiamna technology chhuak thar ber berte hmang thiam a, dik leh rintlak zawk a ram teh, ri kham leh pek a nih theih nana ngaihtuahna seng turin a fuih bawk a ni.
Kum dangah chuan Revenue Assesment siam hi division tin ten division office ah siamin, Headquarters-ah theluh a ni thin a, tun kumah erawh chuan division zawng zawnga Officers leh assessment buaipuitu ten hmunkhatah an buatsaih dawn a ni. Assessment siam a nih rual hian thil thar leh hriat tur tulte in hrilhhriata inzirtirna hun hman nghal a ni bawk dawn a ni.
Vawiina training-ah hian Revenue Division hrang hranga chhiah khawn dawn report ngaihthlak a ni a. Kum 2021-2022 chhungin Sangau Divison chuan chhiah khawn tha berin; 92.91 5 an khawn chhuak a, Bualpui ‘Ng’ Division in dawt in ,92.71% an khawn chuak a, Pathumnaah Lungtian Division awm in,82.20 5 an knawn chhuak thung a ni.
Post a Comment