Lawngtlai, March 30, 2022 : Vawiin khan 11th Lai Autonomous District Council Budget Session, 2022 chu chairman Pu VL Hmuaka kaihhruaina hnuaiah zawhfel a ni ta. LADC Budget Session hi March 25, 2022 atang khan neih tan a ni a. vawiin March 30, 2022 khan zawh fel a ni.
Pu V. Zirsanga, Chief Executive Member, LADC chuan Budget Session tan ni, March 25, 2022 khan kum 2022-2023 atana LADC sawrkar sum hman tur ruahmanna (Budget Estimate) cheng Nuai 20983.96 leh Supplementary Demand for Grant of LADC for 2021-2022 cheng nuai 1805.79 leh Schedule of Demand for Grants of LADC for 2022-2023 te chu House-ah sawi ho tur leh pass turin a pharh a, vawiin March 30, 2022 khan House Member ten lungrual takin passed a ni.
House Lease Pu V. Zirsanga chuan, LADC Budget Session tluang taka zawhfel a ni thei chu lawmawm a tih thu leh member ten thahnem ngai taka Budget an lo zir a, ngaihtuahna seng a, an sawiho thin leh passed theia an awm chu a lawm zia a sawi a, tun tum Session-ah hian Official Bills Paruk (6) lai mai passed a ni thei chu ka lawmawm a tih thu leh Member-te chu ram leh hnam tana hma la ho zel turin a sawm bawk.
LADC Budget Session-ah hian bill paruk; 1) The LADC (General service) Rules, 2022, 2) The LADC (Engineering Service) Rules, 2022, 3) The LADC (Finance and Accoount Service) Rules, 2022, 4) The LADC Sports and Youth Services Department (Group A,B & C Technical post recruitments) Rules, 2022, 5) The LADC (Group A,B,C&D) Recruitments (Second Amendment) Rules, 2022 leh 6) The LADC (Junior Engineer and Sectional Assistant Recruitment) Rules, 2022 te chu passed a ni.
Budget session chhung hian zawhna leh chhanna hun hman a ni bawk a, zawhna lut pariat (8) Star Questions-te chu chhan vek a ni bawk.
Pu VL. Hmuaka, Chairman LADC chuan Budget Session chu tiamchin awm lovin a ti tawp a ni.
Post a Comment