Lawngtlai, March 16, 2022 : Vawiin khan Christian Hospital Lawngtlaia hman tur Oxygen khawl thar PSA Oxygen Generator Oxylife 3 chu Rev. Lalbiakliana, Associate General Secretary. i/c Service BCM chuan a hawng.
Rev. R. Lalbiakliana chuan khawvel pumpuiah hrileng avanga mipui kan buai em em laiin, he hrileng hian chhiatna ringawt a rawn thlen lova, hrileng hian thiltha ti duh pawl te kaiharhin, khawvel hmun hrang hrangah nasa taka hma an lakna zarah thiltha tam tak a lo thleng a ni a ti a. Tun tuma Oxygen siam chhuahna khawl an hawn tur pawh hi khawvel pumpui huapa thil tha ti thin pawl pakhat avanga lo in tan leh hawn leh hman theih tura peih fel a nih thu sawiin, khawl thar chu damlo leh a mamawh apiangte tan malsawmna thlentu a nih a beisei thu a sawi bawk.
Dr. Lalramzauva, Director, Medical Department, BCM chuan Technical report a pe a, report a tarlan a nih danin, Lawngtlai a Oxygen siam chhuahna khawl bun tur hian Asia Pacific Baptist Federation thurawn anga hmalak a ni a, Collective Power of One International, Pawlin khawl hi an pek a ni a, khawl bun fel a nih hian, a pumpuia an senso zat hi cheng nuai 14-16 inkar a ni bawk. Khawl thar bun chu PSA Oxygen Generator Oxylife 3 tih niin, vawi khatah khum 20 ( Damlo 20) a chawm thei bawk a ni. Dr. Lalramzauva chuan helai hmuna khawl thar bun anih theihna tura ngaihtuahna, tha leh zung sengtu zawng zawngte hnenah lawmthu a sawi nghal bawk a ni.
Post a Comment