Lawngtlai, February 14, 2022 : Vawiin February 14, 2022 khan Association for Voluntary Blood Donation (AVBD), Lawngtlai leh Blood Bank Lawngtlai á¹­angkawpte chuan LADC Conference Hall-ah Valentine's Day pualin Blood Donation Camp an buatsaih.



Thisen pek runpui neih hmaa inkhawmna tawi buatsaih hi C. Lalhmachhuana, Asst. Secretary, AVBD Lawngtlai chuan a kaihruai a, khuallian Pu Andrew Laltlanzara, EM i/c Education (M) etc., LADC in thu a sawi bawk.

Khuallian Pu Andrew Laltlanzara, EM chuan Association for Voluntary Blood Donation (AVBD) Lawngtlai leh Blood Bank Lawngtlai ten midangte tan malsawmna ni tura an  inpekna leh an hnathawh chu ropui a tih thu sawiin,  fak an phu tak zet a  ni tih a sawi.



Khuallian chuan, Lawngtlai khawchhunga Damdawiin te chu khawpui leh thingtlang atanga kan pan khawm ber a ni a, thingtlang lam atanga lo kal damlo ten thisen an mamawh hian a mangan thlak leh zual thin; chutiang hun a lo thlen changa Blood Bank Lawngtlaia mi tlawmngaite thisen peksa lak mai  tur  a lo awm thin chu a thlamuanthlak hle thin a ni tih a sawi. 

Pu CZ Rodingliana, Blood Bank, Civil Hospital Lawngtlaiin report a pek danin, nikum chhung khan Blood Bank, Lawngtlaiah thisen unit 1139 pek a ni a,  Blood Bank aá¹­anga a mamawhtute hnena thisen pek chhuah zat chu unit 921 a ni. Nikum chhung khan pawl hrang hrangin Blood Donation Camp vawi 35 an buatsaih a, heng aá¹­ang hian thisen unit 854 hmuh a ni. Mahnia Blood Bank-a kal aá¹­anga thisen pe zat hi 77 an ni a, damlo thisen pek tur bik nei (Replacement) hi unit 208 a awm bawk. Thisen pek dawn hian test hrang hrang neih thin a ni a, thisen thianghlim lo chu paih thin a nih avangin thisen hmuh zat hi pek chhuah zat hi a inang thei lo tih Pu CZ Rodingliana chuan a sawi bawk.



Vawiina Valentine's Day puala Blood Donation Camp buatsaiah hian mi 62 in thisen an pe a, thisen petute hi mipa 41 leh hmeichhia 21 te an ni. 

Vawiin hun hmannaah hian thisen petu zawng zawng hnenah Rose par sem vek a ni a, MZI ten zaiin kalkhawmte an awi bawk. Vawiin Valentine's Day puala Blood Donation Camp-ah hian Best Couple atan C. Lalthlamuana leh R. Lalrammuani te thlan an ni.

Post a Comment

Powered by Blogger.