Dawr inhawnchhawk tihtawp rawtna CM in a thlawp

Nimin khan MIMA ten Chief Minister an hmu a. He hunah hian dawr inhawnchhawk titawp a , dawr zawng zawngte inhawn vek an rawtna chu CM chuan  support a. "Dy. CM pawhin dawr inhawnchhawk hi a tul tawh lohzia a rawn sawi bawk a, hma ka lo la nghal ang" a ti. MIMA chuan Beauty parlour, SPA, GYM leh Movie Threater thleng pawha hawng tawh tura  ngenna chu CM chuan tha a tih thu an sawi a. CM chungah lawmthu a sawi a, SOP thar a chhuah vat an beisei thu an sawi. 



ZPM Thalaiin chhuang

ZPM Thalai chuan Ni 15.2 2022-a  Assam atanga dan lova Mizorama rawn luta mau  sâttu hnamdang mi 8 mantu Kolasib DFO Pi Margaret Lalramchhani, IFS chu a hnathawh avângin an chhuâng takzet tih an sawi a, Pi Margaret Lalramchhani hmalâkna avânga mau sât rutu leh an mau sah sa mautak pum 4900 leh rawnâl pum 650 man a ni chu ZPM Thalai chuan lawmawm an tih thu an sawi bawk.


Iron Rod zawrhna endik

Serchhip khawpui chhunga Iron Rod zawrhna dawr-a Iron Rod zawrh te chu District Bawrhsap hmalaknain nimin khan enfiah niin BIS in a nih tur ang a tih (Standard Size) phaklo te chu hralhchhuah theih loh tura man a ni.


Red Zone leh Orange Zone-ah puang

Lawngtlai DC chuan nimin khan Vawmbuk I, Chawnhu leh Sangau IV te chu Red Zone-ah a puang thar a, Bungtlang ‘S’ I, Lawngtlai Chandmary, Sangau II, Lawngtlai Bazar leh Elecric Veng te chu Orange Zone-ah a puang a, he inkhuahkhirhna hian February 23, 2022 zanlai thleng a huam ang.


Bazarpui khar

Hrileng  kalzel  avangin Serchhip District chhung  Khua/Veng  34 te chu Red Zone-ah puan mek niin, nimin atang khan Red zone area a mi Serchhip Bazarpui pawh khar  nghal  a ni.

Post a Comment

Powered by Blogger.