Lawngtlai, February 11, 2022 : Lawngtlai West bialtu MLA Pu C. Ngunlianchunga chuan January 31, 2022 atanga February 10, 2022 chhung a biala khaw hrang hrang a fan hnuin nizan khan amah tawiawmtute nen Lawngtlai an lo thleng.
MLA Pu C. Ngunlianchunga chuan ni 11 chhung a bial a fannaah harsatna lian tham an tawh loh thu a sawi a. Bial a fang chhung hian Congress Party-ah mithar 2160 an inziak lut tih a sawi a, hei hi a remchang hmasa berah MPCC President Pu Lalsawta'n Bungtlang South-ah a lawmlut ang.
MLA Pu C. Ngunlianchunga'n a bial a fan chhung hian a bial mipui ten an lo lawm hle tih thudawn a ni a, MLA hian tanpui ngaite tanpui an ngaihna zawnah mimal leh NGO te a theih ang angin a tanpui nghal bawk a ni.
Post a Comment