Rauthla Editorial, February 11, 2022 : Tunlaiin COVID-19 hri a hluar thar hle a, hri kai pawh nitin kan pungin Lawngtlai khawchhung pawh nitin an sang chho zel tihte sorkar data atangin a hriat a ni. Hemi lai hian mahni in lama in enkawl a, 'Home Isolation' ti te chu a tam zawk kan niin a lang a, mahse COVID-19 hrim hrim kan hriat tirh anga khirhkhan leh reiin lamah pawh in khung a ngai tawh lo a ni.
Hei vang hian COVID-19 lakah pawh kan fimkhur thar a tul hle in a lang. Sorkar chuan home isolation kaihhruaina thar a siamah chuan positive tih hriat an nihna sample lak ni atanga ni sarih (7 days) tal a ral a, a hma ni 3 chhung (ni 5-na atanga ni 7-na thleng) a khawsik an neih loh bawk chuan an in khungna atanga chhuah theih a ni tih a ni. COVID-19 symptom zingah rau rau pawh miin khawsik a neih tawh loh chuan inkhung reng kha a ngai tawh kher lo tihna a ni ber. He hri hi kan hriat tirh lam khan inkaichhawn pawh awlsam tak niin kan hria a, kan hlauh vang kha nge hri inkaichhawn pawh a chak lo hle. Mahse a thawh hnihna atangin kan inthlahdan chho tan a, tunah phei chuan lockdown puan a nih tawh loh vangin kan kai mawlh mawlh niin a lang.
Amaherawhchu COVID-19 hi a ngai reng a, a inkaichhawn dan pawh a la ngai reng. Inkaihhruaina lam pawh a tir ang reng a theih si lova, hei vang tak hian mipuite tan chuan fimkhur bak inven ngaihna a awm vak lo. Hri hlau lo pawh kan awm mai thei a, chutih rualin mi tam takin an thihpui tawh a nihna hi theihnghilh chi a ni lova, kan hlau lo a nih pawhin midangte himna ti derthawng leh hri tidarh zawnga awm lo turin rilru kan siam pawh a tha hle.
Post a Comment