Aizawl, February 15, 2022 : Larsap Pu Hari Babu Kambhampati chuan nimin khan Aizawla Doordarshan leh All India Radio hotute chu Raj Bhavan-ah a kawm a, Larsap chuan sorkarin mipuite hamthatna tura scheme hranghrang a duante uar lehzuala puang zel turin a chah.
Larsap chuan tun thlenga National Broadcaster pahnih ten Mizoram chhunga mipui rawng an bawl dan chu tha thawkhat a tih thu a sawi a. Mizoram mipui zaa 99 dawn laiin AIR leh DDK programme-te an chhimphak chu hlawhtlinna lian tak a nia ti ani.
Tunah hian Mizoram mipui tam zawkin Central Sawrkar atanga tanpuina scheme tha tak tak kan dawn theih - Pradhan Mantri Jan Dhan Yojana (PMJDY), Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY), Atal Pension Yojana (APY), Pradhan Mantri Mudra Yojana, Stand Up India Scheme, Pradhan Mantri Vaya Vandana Yojana leh a dang te hi an la hre chiang tawk lo hle ah a ngaihtheih tih Governor chuan a sawi a. Hemi chungchangah hian National Broadcaster pahnihte, chanchinbumite leh scheme nodal department ten nasa taka tan an lak a ngai a ni, a ti.
He hunah hian AIR Director (Eng.) Pu DR. Lalropuia, Prog Executive Pu Biakchungnunga leh, Erg. Asst., Asutosh Kumar Rai bakah Doordarshan aiawhin, Doordarshan news director, Pu Mangjangam Touthang, Head of Erg., B. Srinivasa Rao, Head of Programme Pu VanlaltlanaVarteleh Erg. Asst., Shivajite an tel a ni.
Post a Comment