Kamalanagar, February 23, 2022 : Nimin khan Mizoram State Health Care Society in Kamalanagar-a CADC Conference Hall-ah Mizoram State Health Care Scheme chungchang inhrilhhriatna hun a buatsaih.
He hun CADC Conference Hall, Kamalanagar a buatsaihah hian Mizoram State Health Care Scheme leh Ayushman Bharat-Pradhan Mantri Jan Arogya Yojana (AB-PMJAY) chungchanga mipui te'n hamthatna an dawn theih ang te inhrilhhriatna hun hman a ni a.He hun hi Village Council aiawhte leh Young Chakma Association leh Chakma Mahila Samiti te an tel a ni.
MHCS hotute te chuan CADC chhungah he scheme hnuaia hamthatna awm thei te ngaihthah a nih thu an sawi a, an ngaihthatlohna te ti bo tura he hun hi buatsaih a nih thu an sawi a ni.
He Scheme-a inziaklut duh te tan February ni 16 atanga May ni 16 thleng hun hawn a nih thu leh, veng chhung mite tan Health worker leh ASHA-ah inziah luh theih anih thu tarlan a ni a, AAY Ration Card holder te tan Cheng 200, PHH Card neite tan Cheng 1000 leh Non-NFSA Card neite tan Cheng 2000 sen a ngai a, chhungkhata member zawng zawng te chu he scheme hian a huam dawn a ni. Ration Card nei lo te tan pawh Cheng 2000-in a inziahluh theih a ni.
Mizoram State Health Care Scheme leh AB-PMJAY hnuaiah hian damloh avanga inenkawlna Cheng Nuai 2 atanga Nuai 5 thleng a bill theih a, he Scheme hi kum tin tih thar leh theih a ni a, Mizoram chhunga private hospital leh Sorkar hopsital-a inenkawl te tan bill theih a ni a, AB-PMJAY erawh Hospital tih bik neih-ah a bill theih a ni a, he scheme ah hi chuan Golden Card nei te tan hospital emaw Common Service Centre ah sem chhuah a ni.
Mizoram pawna inenkawl te chu Medical Board in a refer te hnenah sem chhuah theih a ni bawk a. Sorkar hnathawk MR Bill thei te erawh he Scheme hian a huam lo.
Post a Comment