Rauthla, February 22, 2022 : PC Party chuan thuchhuah siamin, MNF sawrkarin Power & Electricity Department a thawk mi 973 an duhsak zawng te an nih avang chauha tul miah lo leh mamawh miah lova an lak te hlawh siam nan mipuite thlatin eng chhit man a pun phah tih PC Party in thuchhuah siama an tarlan tawh thu leh MNF Party in an beih letna chungchangah, mipuiin thudik ziktluak an hriat theihna remchang atan PC Party in debate neihpui tura MNF Party an sawmna chu vawiin thlenga a chhanna an la hmuh loh avangin official-in debate neihpuiah an sawm leh tih an sawi.
PC Party chuan nimin, February 21, 2022 khan MNF President Pu Zoramthanga hnenah MNF Party nen live a debate nei tura sawmna ziakin an thlen a. Mizoram sawrkarin Power department a enkawl dan chungchangah MNF Party ten mipuite thudik zawk hriattir an duh takzet a nih chuan thuchhuah hmanga insawi fihlim tum mai lovin, TV kaltlanga live ngei a debate neih tul an tih thu leh a rang thei ang bera inhmachhawnna platform buatsaih ni se tiin, MNF President hnenah hian ziakin an thlen a ni.
Post a Comment