Aizawl, February 23, 2022 : Nimin khan Mizoram chhunga PMGSY leh Fund dang atanga kawngsiam chungchangah CYMA hruaitu ten Er. K. Lalsawmvela, Adviser to CM Technical chu a office ah an kawm. He hunah hian PWD CE Er. Bowman leh Er. David Sapzova SE ten Adviser hi an tawiawm a ni.
He inkawmhonaah hian Mizoram mipuite'n kawng tha an neih ngei theihna tura YMA leh MPWD thawhhona chungchang sawilan a ni a, PMGSY hmanga kawng siam mek zawh hun tawh a zawhfel loh te leh hnathawh thalo te chu YMA hruaitu chuan sawilangin heng hna te hi zo fel thuai turin an ngen a, hnathawk turin contractor hnathawk thei ngei hmang thin turin YMA hruaitute hian an ngen bawk.
Nimin inkawmhonaah hian Mipuite Dikna chanvo kawngpui tha neih anih ngei theih nan hmalakho zel remtih niin, Tunhnaia PMGSY hmanga kawng siam mek Khawzawl - Ngaizawl kawng pawh a rang thei ang bera thawh chhunzawm anih theih nan ruahmanna siam a ni bawk.
Post a Comment