Rauthla, January 29, 2022 : Aizawl District BJP chuan Chief Minister Pu Zoramthanga'n Kolasib-a a thusawinaah Campaign laia a thusawi chu thiatin Cheng nuai 3 atanga sing 2/1 emaw chauh, SEDP a sem tur a ti hniam leh ta mai chu man an tih thu an sawi a. Hetiang a Mizo mipui min thamlo lutuk leh a duh duh a tihkawi theih mai mai anga min ngai hi hriatthiam har kan tiin State khat hotu lu ber tih atan chuan zahthlak hleah kan ngai an ti.
Aizawl District BJP chuan Chief Minister Pu Zoramthanga'n a thutiam bawhchhia a amah thlangtlingtute beisei Cheng Nuaithum chu a theih ang anga sawi bo then a, sawi mam a tum fo leh Cheng Singhnih khat chauh mai sem an tum leh ta chu an thutiama an rinawmloh zia ti lang chiangtu ni ah kan ngai tiiin vawiin khan thuchhuah an siam.
CM berin NLUP dawng tawh te pawhin SEDP an dawn leh tur thu a sawi tawh hnuah, Kolasib-a an Party mite hmaa a thusawinaah MNF Party nilo tana SEDP dawn theih anih loh tur thu a sawi leh chuan Chief Minister rintlak lo anih zia a pho langah kan ngai a, CM dawt sawi ching neih hi State dang ten min hmuh dan tur ngaihtuahin a zahthlak kan ti hle a, CM meuhin a sawi tawh chu thutling a ngaih anih laia Mizoram CM thusawi thleng dik awm ngailo chu a hnam ang pawha kan zahawmna tih bawrhbannaah kan ngai hial a ni an ti a. Tun hnuah chuan Chief Minister hian Chief Minister zahawmna leh hlutna vawnhim anih theih nan dawtsawi bansan a, thudik leh thutak chauh Mizoram mipui min hrilh a, min tiam tawh tur in Aizawl District BJP te chuan kan ngen a ni an ti.
Post a Comment