Lawngtlai, November 03, 2021 : Mizo National Youth Front, District Headquarter Lawngtlai chuan nimin khan LADC Chief Executive Member Relief fund atan Rs 10,000 (Singkhat) an chhunglut.
Pu V. Zirsanga, CEM LADC chuan CEM Relief fund-a pawisa an dawnte chu mi harsa leh chanhaite leh chhawmdawl ngai te LADC a an lo tluk luhin, an mamawh phuhruk nan a pek leh hman thin a nih thu a sawi a, MNYF tena an sum chhun luh pawh hi chutianga hman chu a ni dawn a, mi rethei leh chanhai zawkte tan malsawmna a ni ngei dawn a ni a ti.
Pu V. Zirsanga chuan MNYF, District Headquarter, Lawngtlai ten mi rethei leh chanhaite chhawmdawlna atan sum tam tak an thawh/ pe phal chu lawmawm a tih thu leh an kal leh zelna tura duhsakna a hlan.
Post a Comment