Kamalanagar, November 04, 2021 : Vawiin November 04, 2021 khan Pu Rasik Mohan Chakma, Chief Executive Member, Chakma Autonomous District Council chuan Sadarachuk-a hnathawh mek, Chawngte Rural Drinking Water Supply Scheme a tlawh a, Sadarachuk hi Kamalanagar atangin km 2 vela hla a ni. CEM hi Pu Bindulal A. Chakma, JE, PHED chuan a tawiawm a ni.



He Project kalpui mek hi Nakum 2022 a zawh tura beisei niin, cheng ₹.Vaibelchhe 9 senga siam tur niin, he project hi siam zawh anih hnu chuan ni khatah Tui Litres10,20,000 a siam chhuak thei dawn a, hei hian chhungkaw 28,152 vel chawm thei tura beisei a ni a, Kamalanagar khawpui mai bakah Chawngte huamchhunga chengte chawm thei tura beisei a ni bawk. He Project hnuaiah hian Toijong Lui atangin tui hi lakluh tura buatsaih niin, he Lui atanga tui lakluh te hi Treatment plant ah tih thianghlim leh tura buatsaih leh tur a ni ang. 

Kamalanagar, CADC Headquarters awmna khawpuiah hian mihring pung chho zel chuan tui mamawhna a tisang chho zel a, tuna PHED dinhmun atang chuan nitina Mipuite mamawh ang zat Tui hi an sem chhuak thei meuh tawh lo a, hei bakah hian Tui Connection neilo chhungkaw engemaw zat tuam ngai an la awm cheu bawk a ni. 

Kamalanagar khawchhungah hian tun dinhmunah mipui 15,000 vel an cheng mek a, chhungkaw engemaw zat chuan thla khatah Tui vawi khat chauh dawn chang an nei a ni. He Project hi CEM Rasik Mohan Chakma hmalakna zara buatsaih chhoh mek a ni.    

Post a Comment

Powered by Blogger.