Rauthla, November 29, 2021 : Vawiin November ni 29, 2021 (Thawhtanni) a tan tur Parliament Thlasik thutkhawmnaa thu put luh turte sawihona All Party Meet, New Delhi-a neihah nimin khan Mizoram MP pahnih Pu C. Lalrosanga, MP (LS) leh Pu K. Vanlalvena, MP (RS) te an tel.
Parliamentary Affairs Minister Pu Prahlad Joshi-a'n a ho Lok Sabha leh Rajya Sabha-a party hruaitute thutkhawmnaah hian Defence Minister Pu Rajnath Singh leh Commerce and Industry Minister Pu Piyush Goyal bakah Union Minister dangte leh Opposition hotute an tel bawk.
He thutkhawmnaah hian thusawiin Pu C.Lalrosanga, MP (LS) chuan tun tuma thlasik thutkhawmnaah hian party tê zawk MP-te pawhin thusawina hun an neih theih a beisei thu a sawi a. Thu pawimawh dang bakah Myanmar atanga raltlante chhawmdawlna leh Covid-19 avanga Mizoramin harsatna a tawhte sawichhuahna hun an neih theih a beisei thu a sawi.
Post a Comment