Rauthla, October 19, 2021 : Tuirial bial bye election lo awm tura inpuahchahna kal mêkah, ZPM official candidate Pu Laltlanmawia chuan campaign chhunzawm zelin, Tuirial bial chhûnga Kawnpui khuaah ZPM Thalai headquarters hruaitute'n Pu Laltlanmawia an kawm a, Kawnpui khawtlâng tana a hmachhawp hrang hrang-te a sawi.



Pu Laltlanmawia chuan, Kawnpui khuaa ṭhalaite rualawhna a hriatpui thu sawiin, sports infrastructure lamah nasa taka ṭan lâk a tum thu ZPM ṭhalai hruaitute chu a hrilh a; Vengthar Futsal ground leh Bangla Veng futsal ground chei-te, Chhim Vêng-a football ground laih hna kal tawh sa  chhunzawm-te, Venglai Volleyball Ground-ah zana inkhelh theih tura light dah-te bâkah Hmâr Vêng field tihchangtlunte chu a ngaih pawimawh tur thu a sawi. Pu Tlanmawia chuan Zotlâng Biak In bula  pavement kawng chu chang tlung zawka siam ṭhat a nih tur thu a sawi bawk.  Thlan tlin a nih chuan, NHIDCL-in Kawnpui 4 lane an laih mêkah mipuite'n compensation an hmuh theihna tura a theih tawpa hma a lâkpui tur thu a sawi bawk a ni.

ZPM Thalai hruaitute chuan Kawnpui mipuite chu ṭhalaite rualawhna hrethiam a, an rualawhna a taka phuhruk sak ṭhintu leh mipui mimir mamawh hriatthiampuitu, ZPM official candidate Pu Laltlanmawia chu lo vote ngei turin an ngen a, ZPM ṭhalai hruaitute hian Kawnpuia Pu Laltlanmawia hmachhawpte a hmunah an en bawk a ni. 

Post a Comment

Powered by Blogger.