Rauthla, September 04, 2021 : Mizoram sawrkarin African Swine Fever (ASF) vanga vawk suat neitute hnena zangnadawmna pek tur leh vawk suatna senso atana sawkar laipuia cheng vaibelchhe 58 bawr vel a dil mek chu chhanna a la dawng lo. Hetihlai hian ASF vanga vawk thahnem tak thihna thleng mek chu chhiatrupna (calamities)-ah puan thuai a ni dawn.
AH&Vety minister Dr. K. Beichhua-a sawi danin, African Swine Fever (ASF) vanga vawk suat thu hi amahin central chu hmaichhanah a dawr tawh a. Sawrkar laipui atanga tanpuina dawn turstate matching share 50:50 chu 90:10 tura ngenin, chhanna erawh dawn a la ni lo a. African Swine Fever (ASF) vanga suat ni lo, a thi pangngaite pawh chhiatrupna (calamity)-a puang turin Mizoram sawrkar ah hma an la mek tih sawiin, Dr. K. Beichhua chuan vawk thi neitute hnena zangnadawmna chu State Disaster Manangement Response Fund guideline awmsa angin pek an nih tur thu a sawi.
Post a Comment