Rauthla, September 04, 2021 : Tun thla ni 30-a Tuirial assembly bial by-election lo awm turah candidate 4 an awm ta.
Rorellai MNF party chuan MIZOFED chairman ni lai Pu K. Laldawngliana chu an official candidate a nih thu an puang tawh a. Helai biala kum 2018 inthlanpui a hnehna changtu ZPM chuan Kolasib khawpui a cheng Pu Laltlanmawia an candidate dawn thu an puang tawh bawk. Congress chuan MLA hlui Pu Chalrosanga Ralte an dintir dawn a, BJP chuan Pu K. Laldinthara an dintir dawn tih nimin khan Delhi-ah an puang bawk.
Tuna a lan danah chuan MPC leh ZNP an la ngawi a, he by-election hi kil li atanga inchuhna a nih dawn hmel a. Chutih laiin tunkar Zirtawpni thleng hi hming pekluh theih hun a awm a ni.
Tuirial assembly bial a inthlan that a ngaihna chhan hi Bialtu MLA Pu Andrew H. Thangliana tun hnai a a thih vang a ni.
Post a Comment