Kamalanagar October 12, 2021 : Chakma Autonomous District Council-a CEM Pu Durjya Dhan Chakma a ban tak avanga MNF Legislature Party in CEM atan an thlan Pu Rasik Mohan Chakma chuan Mizoram Larsap hnen atangin nimin khan CEM atana pawmpuina lehkha a la hmu.
CEM atan a lakluhna inkhawm hi October 14, 2021 (Ningani) Dar 11:00am hian Kamalanagar-ah neih a ni dawn a, Dr. Andrew H. Vanlaldika, Deputy Commissioner, Lawngtlai District chuan Pu Rasik Mohan Chakma chu CADC CEM tan a lalut ang.
October 3, 2021 khan Chakma Autonomous District Council (CADC) a Chief Executive Member nilai, Pu Durjya Dhan Chakma chuan CEM atanga a banna Mizoram Larsap hnenah a lo thehlut tawh a. October 4, 2021 khan CADC Fur thutkhawm neih niin, he session-ah hian Pu Rasik Mohan Chakma chu MNF Legislature Party Leader atan thlan a ni.
Post a Comment