Kamalanagar, October 7, 2021 : Chakma Autonomous District Council-a CEM Pu Durjya Dhan Chakma a ban tak avanga MNF Legislature Party in CEM atan an thlan Pu Rasik Mohan Chakma chuan Mizoram Larsap hnen atangin CEM atana pawmpuina lehkha a la hmu lo.
Rauthla zawhna chhangin, Pu Rasik Mohan Chakma chuan, tun thawhṭanni khan CEM atan a pawmpui turin Larsap hnenah lehkha an thehlut tih a sawi a, naktuk hian pawmpuina hi hmuh an inbeisei tih a sawi bawk.
CADC CEM atan thlan thar Pu Rasik Mohan Chakma chuan, tun hnai khan BJP MDC pakhat Pu Shanti Jiban Chakma chuan MNF a zawm tih a sawi a, hemi hma hian BJP MDC 7 in MNF an zawm tawh bawk tih a sawi.
October 3, 2021 khan Chakma Autonomous District Council (CADC) a Chief Executive Member nilai, Pu Durjya Dhan Chakma chuan CEM atanga a banna Mizoram Larsap hnenah a lo thehlut tawh a. October 4, 2021 khan CADC Fur thutkhawm neih niin, he session-ah hian Pu Rasik Mohan Chakma chu MNF Legislature Party Leader atan thlan a ni.
Heti hian seat 20 awmna CADC a MDC zawng zawngte chu MNF vek an ni ta a ni.
Post a Comment