Mampui, October 21, 2021 : Nimin khan Lawngtlai Area TKP Co-ordination Committee ten Blood Donation Calendar an buatsaih angin Thalai Kristian Pawl, Mampui Pastor Bial te chuan District Hospital Blood Bank, Lawngtlai a dah atan thisen Unit 35 an pe.
He hun ah hian Rev B.Rosangzuala, Mampui Bialtu Pastor chuan hunserh a hmang a.Thalai hrisel kan nih chuan thisen pek hi a Kristian a, kan tih ngei tur ani, a ti.
Lawngtlai Area TKP Co-ordination Committee Chairman Rbt Elvis Lalthangzuala chuan, thisen mamawhtute hnena thisen pek hi Kristian te chuan kan batte zing a mi a ni a. Chuvangin, thisen pek hi kan rawngbawlna peng pawimawh tak anih avangin kan chhunzawm zel pawh a tha a. Thiltha tih tur hria a, ti si lo chu a tan sual ani, tih anih ang khan thil tha tih kawngah hian TKP member te hi hmasawn zel turin a chah bawk ani.
Mampui Bial TKP te hian thisen Unit 35 pe in mipa 28 leh hmeichhia 7 an ni a. District Blood Bank, Lawngtlai a thawkte leh AVBD hruaitute' n Mampui ah kal in thisen hi an la ani.
Post a Comment