Lawngtlai, October 13, 2021 : Tun dinhmunah District Jail, Lawngtlaiah mi tang 24 (Mipa 20, Hmeichhia 4) an awm mek a. Heng tang zingah hian kum 12 tang tur mi 1 awm a, hei hi naupang kum tlinglo pawngsual avanga tang a ni.
District Jail, Lawngtlaia mi tang zingah hian foreigner case nei 6 an awm a, naupang kum tling lo pawngsual case hi 2 awmin, rape case 2 an awm bawk a. A dang ho zawng hi rukruk case avanga tang an ni. Hmeichhia 3 te hi damdawi avanga mante an ni a, pakhat hi court zahloh vanga man a ni bawk.
District Jail, Lawngtlaia tangte hian Covid-19 vaccine first dose an la vek tawh a, second dose hi tun thlaa lak tur a ni tih District Jail, Lawngtlaia thawktute chuan an sawi a. Staff te pawhin vaccine first dose hi la tawhin, second dose pawh hi tangte rual hian lak an in beisei a ni.
Post a Comment