Rauthla, October 21, 2021 : Mizoram chhunga Covid-19 hri hluar lohna hmunah a te zirna in hrang hrang hawn a ni tawh a, tun dinhmunah zirna in za a 22.66 hawn a ni tawh.
School Education Department Director Pu James Lalrinchhana sawi danin Mizoram chhunga khaw thenkhat hripui lengin a tihbuai ve lohna ah te zirna in hawn a ni a ti a, school hawn tur te chu District hrang hranga Deputy Commissioner ten a him ngei ani tih an finfiah hnuah chauh an hawng tih sawiin, hri vanga buaina an nei palh anih pawhin an khar leh mai thin tih a sawi.
Pu James Lalrinchhana chuan zirna in hawn chungchang hi Disaster Management thu a ni a ti a, tun dinhmunah zirna in tam zawk hawn theih rihloh mahse theihtawpin zirlai te hmasawn nan online class kalpui ani tih a sawi.
Pu James Lalrinchhana chuan hripui len lai anih avangin online class chu zirlaite hmasawn nana hmanraw tha ber a ni a ti a, mobile neilo te tan leh online zawm ve theilo te tan SCERT leh MBSE ten an zir tur an siam sak a ti a, Online Class chu an chhawr tangkai tih sawiin zirlaiten thiamna an hlohna nasa lutuk tur ven nan ani a ti a, Zirlaite mai nilo Nu leh Pa leh zirtirtute tanrualna a pe tih a sawi bawk.
Post a Comment