Kamalanagar, October 14, 2021 : Vawiin Octobert 14, 2021 khan Chakma Autonomous District Council-a Chief Executive Member atan Pu Rashik Mohan Chakma chu CADC Art & Culture Auditorium, Kamalanagar ah Lawngtlai Bawrhsap Dr. Andrew H. Vanlaldika'n rinawmna thutiam tirin a lalut.
Chakma Autonomous District Council CEM atan lakluh thar Pu Rashik Mohan Chakma hi April 2018 a CADC inthlanah khan Borapasury- I Bial atanga thlan tlin niin October ni 3 a CEM atanga bang ta Pu Durjya Dhan Chakma chu a thlak a, MDC Term hman mekah CEM nihna a chelh nawnna a ni.
CADC ah hian MDC seat 20 awmin, tun dinhmunah rorellai MNF ah an awmkhawm vek tawh.
CEM lakluh thar, Pu Rashik Mohan Chakma chuan thu sawiin, 'Sawrkar tha leh nghet tak din atum thu a sawi a, Autonomous District Council a Member zawng zawng Party khata awm awmchhun kan ni a, inpawh taka thawk hoin, enhran bik nei lovin rorelna kan kengkawh ang' a ti bawk.
Post a Comment