Lawngtlai, September 24, 2021 : Nimin kha Lawngtlai District chhunga tlawmngai pawl lian ber Young Lai Association din champha vawi 47 na a ni a, YLA Day hi hripui leng karah a theih ang ang in hman a ni.
Central YLA President Pu Hc. Vanlalruatpuia chuan YLA member leh ram mipuite YLA Day chibai bukin, ram in hunharsa a tawhlai hian YLA Member te chu ram leh hnam chhantura an inpekna a hlu takzet tih sawiin, tan la sauh sauh turin a chah a. .Central YLA chuan Lawngtlai a Damdawiin pathumah an Day pualin tanpuina Rs. 3000 theuh an hlan bakah, raltlan damlo an kan bawk a ni.
Hriat theih chinah Branch engemawzatin YLA Day hi a remchan dan ang angin an hmang a. YLA Mampui Bran chuan an khaw chhunga mi harsa mi pangate hnenah Rs. 1,000 theuh an hlan a, YLA PArk tihfai hnatlang an thawk bawk. YLA Bazar Branch chuan Lawngtlai khaw chhunga damdawi pathumah leh Lairam Motherless Home ah Rs. 5000/- theuh an pek a. 3C a damlo te tan Tui Case 50 leh Artui case -2 an pe bawk.YLA Cjheural Branch chuan YLA Day pualin thisen Unit 40 an pe. Sangau Sub-Division huam chhungah YLA Sangau II buatsaihin Sangau YLA Day hman a ni bawk. Khuallian atan Sangau West bialtu MDC Pu K. Hrekung hman a ni.
YLA Lawngtlai Vengpui Branch chuan an veng chhunga Myanmar raltlan mi 40 te hnenah tanpuina sumfai an pe a, YLA Run-Library chhuat siam hnatlang an thawk a, Thlanmualah hnatlang an thawk bawk. YLA Pangkhua Branch chuan an khaw chhunga raltlan chhungkaw pakhat an tanpui a, YLA pualin Relief Camp siamin hnatlang an thawk bawk. YLA Vartek Branch chuan Social Work neiin, infiamnain YLA Day hi an hmang bawk a ni. YLA Vathuampui (Vengpui) Branch te chuan YLA Day pualin mi harsate tanpuina sum an hlan bawk.
Tun dinhmunah Central YLA hnuaiah hian YLA Branch 110 a awm mek a, Sub-Hqrs 8 awm bawkin, YLA Member hi mi 46,000 vel an awm mek a ni.
Post a Comment