Sawrkar ka thlawpna ka hlihna chhan chu lockdown a ni 117-na atan a an pawtsei leh hi a ni. Lockdown tirin mipuiin lockdown hi a chinfel dan a ni lo, vai ram angin mass testing nei ula kan ti a. MNF MLA ngeiin tih an tum loh thu chiang takin a sawi a nih kha. Tichuan Vawk angin min han khung a, central atanga sum lo lut chu hruaitu rualhoin an insem laiin a harsa zual chan chu mi inphalnaten CM RELIEF FUND a an sum chhunluh, cheng sang hnih khat thla 2 dan vela dawn hi a ni mai a ni. Chu chu lockdown duh lotute ei leh in hmuhna a ni. SEDP lah LC/VC member leh an chi leh kuangten an pumhmawm hmak bawk si.
Vairam khu en ila, Mizote aiin an luhlul zawk a, festival hrang hrang an kalpui reng tho. Mahse sawrkarin mass testing neiin record siam mawlh mawlh mahse kar khat bak a awh ngai lo. Chutiang tura sawrkar nawr hi a tira mipui tum a ni a, mahse sawrkar berin lockdown, lockdown a tireng thung a ni. Intodelh a tulzia sawi uar a, hnathawh tam a ngaih hun lai takin lockdown hi Assam hian min ngam ngawt ang.
Dawr luah man, in luah man, garage fee, naupang sikul fee, ei leh in, damloh nia in entirna man, tui bill, electric bill, TV bill, phone bill te hi khawi atangin nge pe se min tih? Thla 3 kan in sang mar tawh a, heti em em hi chu a lutuk lo maw? Nangni lockdown thlawptute hi chuan kum 100 pawh tise in hlawh inhmu reng a, in ei leh in a ngai reng dawn. Mahse mi dang dinhmun dawn lo roreltu sawrkarin kan nei hi sawrkar thlawp lehzel tlak niin ka hre tawh lo a. Social Media kaltlanga ram tana ka lo tih ve tawhna chu chhunzawm tlak niin ka hre tawh lo a ni. Inkhung reng hian zun thlum vei a awl a, zun thlum te hi thlahte thlenga inkaichhawn theih natna a nih avangin lockdown intih luata zun thlum vei tamna state-ah min hlang kai lo ang tih a sawi theih loh a ni.
Mizoram India ram state zinga top 1 a lo ni tawhnate : 1. AIDS/HIV vei tamna. 2. Cancer vei tamna. 3. Puitling movie en tamna. 4. Peon thlenga eiruk tamna. 5. Ram hruaitu dawhheh ber tamna. 6. Rulling party MLA hausa chak ber tamna. 7. Lockdown uar ber state. 8. Skul kal mumal loh laia a ruka zirtirtu 154 lak duhna state. 9. Medical staff te in-volunteer tura beisei tlatna state. 10. Next - Zun thlum tamna.
Post a Comment