Rauthla August 19, 2021 : Tukin zing dar 8:00am khan Zoram Thar Zofate Lairelna Hruaitu Pu Zaichhawna Hlawndo chuan Lalpa'n a hriattir angin Zoram sualna vui liam leh hnehna kawng zawh chu zovin Thenzawl a thleng. 



Pu Zaichhawna Hlawndo hian Mizoram Chief Minister Pu Zoramthanga hnenah ram pum huap sual thupha chawi chawnghei ṭawngṭai puang tura hriattir tura a dawn ang chu hrilhin, ni 16/08/2021 dar 2 aṭang khan ke in Aizawl atangin Thenzawl lam panin a kal ṭan a, Zoram Thar hruaitu mi pali Pu Lalchuhvela, Pu Lalhmunzawnga, Tv. Daniel Lalruatfela leh Tv. Lalawmpuia ten an ṭawiawm a, Aizawl leh Thenzawl inkarah remchan anga Pathian in sawi tura a tih ang te a sawi zel a, mipuite pawhin an lo dawngsawng ṭha hle.


Kawngzawh kharna program tukin zing Thenzawla an neihnaah Pu Zaichhawna chuan, "Mizoram Kristian ten Lalpa pawi kan sawina ah sual thuphachawi chawnghei ṭawngṭai saiip puan sina kan neih ngei ngei a ṭul a ti a. Lalpan ami Israel fate hnenah ‘II Chronicles 7:14’ a a sawi ang khan kan awm a tul a ni a ti. Mizoram pum huapin ṭawngṭaina te nei tawh ṭhin ni mah se, inngaitlawma sual hawisana ṭawngṭai a tul tiin, he thu a dawn te hi ram rorelna hotu lu ber Pu Zoramthanga kaihhruai sawrkar ‘Pathian leh Kan Ram Tan’ tia au tute hian an puan ngei ngei a ngai tih thu a hriattir. Pu Zaichhawna Hlawndo chuan khawvel rampumin a hmachhawn Covid-19 hrileng lakah Lalpa venhimna kan dawng nasa hle a, a hnenah lawmthu sawi hi kan bat a ni a ti. Kan rama Covid hri lêng kan do mêk dan hi enṭhat a ngai a, Pathian duh danin, Pathian chakna ringin kan do em? tih hi enfiah a tul a ti.


Ringtute hlauhna thlarau in min awp bet a, kan thlarau rilru leh taksa a ti hlum mek a, chuvang chuan Pathian thu bible leh Pathian thlarau thianghlim chauh rinchhanin hrilêng hi kan hneh thei a ni a ti bawk. 

Post a Comment

Powered by Blogger.