Mampui, August 16, 2021 : Tukin zing dar 8:00am khan Pu Robert Romawia Royte, Sport & Youth Services Department Minister chuan Mampui khuaa Lawngtlai District Sport Complex cheng Rs. 5019.43 lakh sênga sak tur leh Lai Typical Village te a tlawh.
Lai Typical Village, lal inah Minister ho hian program tawi hman a ni a, he hunah Mampui khawtlang hruaitute, School Headmaster leh Political party hruaitute an tel. Pu Robert Romawia Royte chuan Lai Typical Village sak a nih chu lawmawm a tih thu a sawi a, hmalak chhunzawm zel nan cheng nuai 10 a pek tur thu a sawi bawk.
Pu Robert Romawia Royte hian Mampui, Soil huan hlui, VC leh YLA rama Lawngtlai District Sport Complex sakna tur a tlawh nghal a, cheng nuai 5019.43 senga sak tur Lawngtlai District Sport Complex hi kuminah chuan hna tan hman beisei a ni.
He hunah hian Lawngtlai East Bialtu MLA Pu H Biakzaua pawh thusawina neiin, Lawngtlai West chu a bial chhung ni lo mahse, Lawngtlai District pumpui tan hmasawnna a ngaih pawimawh thu leh Mampui khawtlangah Lawngtlai District Sport Complex a awm theih nan theihtawp a chhuah thu leh tun a tihpuitlin a ni thei dawn ta chu lawmawm a tih thu a sawi.
Sport Minister hian Mampui YLA te hnenah Football pahnih leh Computer Full Set a pe bawk a ni.
Sport Minister hi Pu H. Biakzauva, Lawngtlai East bialtu MLA, Lunglei South bialtu MLA Dr. K. Pachhunga, LADC EM, MDC, Lawngtlai DC leh Official ten an ṭawiawm a ni.
Post a Comment