Lawngtlai, August 29, 2021 : Vawiin, August 29, 2021 chawhma dar 11:00am khan Circuit House Lawngtlai-ah MNF District Hqrs., Lawngtlai party hruaitute leh MNF MDC ten Joint Meeting an nei a, meeting hi District Hqrs., President Pu Lalramliana Colney-in a kaihruai.
MNF District Hqrs., President Pu Lalramliana Colney chuan, Party khat vek kan nih angin, tumah in en hrang thei an awm loh thu te sawiin, thawhhona kawngah rilru fim tak pu-a kal zel turte'n leh, engemaw changin inhmuh thiam lohna te awm ve thin mah se, tun atang chuan rilru puitling leh patling taka kan awm a hun a ni a ti. Pu Lalramliana Colney chuan, bial mipui ten MDC 20 min pe a, party in ticket min pek te kan nih ang takin party thu leh hla ngaichang chung zela inkal hmalam hun zelah a ngai a ni a ti a. Rilru thar leh ngaihtuahna thar nen thinlung hmun khat, thinlung thar puin ke i pen zel ang u a ti.
He hunah hian Pu V. Zirsanga (House Leader) chuan thusawiin CEM atan a thlan tlin tak Pu V. Zirsanga chuan, Pu Manghmunga Chinzah chungah vuina a neih loh thu leh, an thawhhona a that thu te a sawi a. Nimin maia thil thlengah party mit kan lo tihkhamna leh inkaihhruainaah thupha a chawi thu a sawi a, party mite chu advice an ngaihnaa advice pek hrehlo turin leh, inpawh taka hmalam hunah pawh ke pen ho pui zel turin a sawm nghal bawk. Pu V. Zirsanga chuan, "In tan mi thar ka ni lova, ka tan pawh mi thar in ni lova, Party khat 'Pathian leh kan ram tan' titute kan ni a, inlungrual takin leh rilru inhmu tawn takin ke i pen ho zel ang u" a ti bawk.
Pu Manghmunga Chinzah, Ex-CEM pawn thusawiin, LADC sorkar hi zahawm takin kal se a duhthu a sawi a, mi thenkhat tena "Chungu nung chung buk" tia min sawina hi tawp tawh se, zahawm leh rinawm taka kan kal hi a hun tawh tak zet a ni, a ti a. Rualkhai takin i thawkho zel ang u a ti bawk.
Post a Comment