Lawngtlai, August 12, 2021 : Vawiin chawhnu khan Lawngtlai DC Conference Hall-ah Lawngtlai khawpui chhunga COVID-19 Executive Duty Leaders meeting neih a ni a. He hunah hian DC Incentive Cash Award Rs. 1,000/- (cheng sang khat) chu Additional DC Pi Marilyn Rualzakhumthangi chuan Executive Duty zinga hna thawk ṭha thlan chhuah, entawn tlaka duty hlen chhuak ṭhin mi pahnih hnenah a hlan.
DC Incentive Cash Award dawngtute chu :
1. C. Zaithanchhungi, LDC, LADC - (Chandmary-a duty)
2. Vanlalnelzualpuia, Support Staff, KVK - (Bazar-a duty)
He DC Incentive Cash Award dawngtute pahnih hi Lawngtlaia Executive Duty-a ruat an nih tirh atanga ṭhahnem ngai taka an mawhphurhna hlen chhuak ṭhin, an duty hun pangngaia ruat ni lovah pawh, a ṭul hun apianga duty tura thawk chhuak ṭhin an ni.
Post a Comment