Rauthla 10.August,2021 : Tokyo Olympics-a hmeichhe boxing welterwight (69 kg.)-a bronze medal latu Lovlina Borgohain chuan kum 2024 Paris Olympics-ah chuan a medal dawn rawng a thlak dawn tih a sawi.
Kum 23 mi Lovlina Borgohain chuan news agency pakhatin a interview-naah engkim a thar vekin a inbuatsaih dawn tih a sawi a.Tokyo Olympicsa bronze medal la thei tura harsatna a paltlang tawhte a sawi. Chutih rualin hlawhtlinna han chana mihring rilru a hlim theihzia te a sawi a. Chhungkaw hnena a chen tlemzia te, kum 8 lai in a chhuahsan thu te, an chhungkuain harsatna an tawh lai pawha ralkhat atanga a thlir dante a sawi a ni.
Lovlina Borgohain chu Assam Golaghat district-a thingtlang khaw te tak te Boro Mukhia chhuak a ni a, India hmeichhe boxer zinga lawmman lakna dawhkana chuang pathumna a ni a, a hmaa Olympics-a boxing medal lo la tawhte chu World champion vawiruk ni tawh Mary Kom leh Vijender Singh te an ni.
Lovlina Borgohain chuan Olympic medal la tura a thil chan (sacrifice) lian ber chu chhungkaw nun, chhungkaa chenho a chan nasa tih a sawi a. Mimal taka a sacrifice chu Thalai tam takten an duh zawng, ama kum rualpuiten an duh em em ‘fast food’ te a ei lo a ni a ti. Game-a inconcentrate a duh avangin chawlh (leave) lawh a la ngai lo tih a sawi a. Kum 8 chhung a ni a ti. Lovelina Borgohain chuan chawlh (holiday) hman pawh a tum lo tih a sawi a. Paris Olympics atan kum thum chauh inbuatsaihna tur a awm tawh a, chuvang chuan a hna (job)ah a bur leh nghal chat dawn a ni a ti.
Hetih lai hian Lovely Professional University chuan a zirlai leh Olympic gold medallist Neeraj Chopra leh Bajrang Punia te chu Rs.50 lakh an pe dawn. a. Neeraj Chopra chu Javelin throw-a India tana gold medal hawntu a ni a. Metre 87.58 a khawh a ni. Neeraj Chopra chuan LPU-ah B.A. (Arts) a zir a ni. Bajrang Punia chu Tokyo Olympics-a wrestling-a medal latu a ni a, LPU-chuan Rs.10 lakh a pe dawn a, Barjrang Punia chuan LPUah chuan MA a zir a ni.
Post a Comment