Lawngtlai, 17.08.2021: Vawiin khan Lawngtlai SP charge la mektu, Pu C. Lalruatkima, Addl SP chuan Govt of Mizoram Notification No. B.12021/10/2004-TRP, Dt. 01.06.2020 leh The Motor Vehicles Act 1988 (Act No. 59 of 1988) Section 115 te tlawh chhanin thupek a chhuah.
Mipuite him zawk nan leh Lawngtlai khaw chhunga lirthei tlan dan a mumal zawk nan vawiin, Dt. 17th August, 2021 atanga thu leh awm hma chuan, Lawngtlai khaw chhungah Thawhtanni (Monday) atanga Zirtawpni (Friday) thlengin ni tin 8:30 am - 10:30 am & 4:00 pm - 6:00 pm inkar hun chhung leh, Inrinni (Saturday)-ah 6:00 am - 10:00 am inkar hun chhung te'n Heavy Motor Vehicle (909 Truck chin chung lam ang chi lirthei) reng reng tlan luh a khap a ni.
Hemi hun chhungah hian he'ng HMV lirthei reng reng te chu Lawngtlai khaw pawnah ding mai tura tih an ni a. He thupek zawm lote chu The Motor Vehicles Act, 1988 section 179-na hmanga hrem an ni ang.
Post a Comment