Chawngte 'P', July 12, 2021 : Vawiin July 12, 2021 khan YMA, Mualbu 'L' Branch chuan Chawngte 'P" khawtlang tan Pick-Up trip hnih khatin chawhmeh chawhmeh an pe.
Tun dinhmunah Chawngte 'P' ah hian Covid-19 hri kai Mipa 4 leh Hmeichhia 1 awmin, naupang awmpuitu pakhat telin, an vaiin 4C-I (LADC Rest House) ah enkawl mêk an ni.
Chawngte 'P' ah hian chin hriat lova hrikai hmuhchhuah a nih avangin, VLTF te chuan khauh zawka inkhuahkhirna kalpui a ni a, hri danchah a nih theihna turin khawtlang mipui pawnchhuah a khap tlat a, mamawh chakkhai lam sakin duty ten an vil reng bawk. Hetianga pawnchhuak thei lova inkharkhip a nih avangin eitur an tlakchham hlauin YMA Mualbu 'L' Branch chuan hnatlangin chawhmeh zawn leh an thlai thar te thawh khawmin Pick-up trip 2 (hnih) zet mai Chawngte 'P' khawtlang mipui tan vawiin khan an hlan a, Chawngte 'P' VLTF te chuan chhung tin te hnenah heng chawhmeh te hi an sem nghal a, Chawngte 'P' VLTF te chuan, "YMA Mualbu 'L' Branch hnenah lawmthu kan sawi tak zet a ni" an ti.
Member 80 vel awmna YMA Mualbu 'L' Branch hian, Chawngte 'L' khawtlang tan chawhmeh thahnem tak an lo pe tawh bawk.
Post a Comment