Lawngtlai 26.07.2021 : Vawiin Dt. 26.7.2021 (Mon) chawhnu dar 12:30 vel khan Pu TC Vanlalfela Nupui Pi Hrangthanzuali (Mazuali) leh a fa pawm lai Sarah-i, Kum khat leh a chanve, Varṭekkai Tuipui khua te chu vanduaithlak takin Varṭekkai Tuipui ah an chesual a, Sarah-i ruang hi hmuh a ni tawh a, a nu Pi Mazuali ruang erawh hmuh a la ni lo.
Pi Mualzuali te hi Thang Lui chhak, an Lo ah thlai hnah la tura kal an ni a, an haw lamah Balu la Lawngah chuangin Tui khauh lai an thlenin vanduaithlak takin an chuanna Lawng hi a pil ta a ni.
Tunah hian Pi Mazuali ruang hi zawn mek a la ni a, Tui a len avangin ruang hmuh anih thuai theih nan ṭawngṭai pui turin kan in ngen a, Tui lian hian ruang hi a lenthlak zel a rinawm avangin Tuipui Ferry leh Kawlchaw lam unaute kan pawimawh viau tura ngaih a ni. (Vartekkai hi Lawngtlai District a awm a ni e)
Post a Comment