Lawngtlai 27.July,2021 : Nimin khan Mizoram leh Assam inrina Vairengte bulah ramri chungchanga intihbuaina a chhuak a, silai hmehpuah leh sawrkar lirthei tihchhiat a awm thu report a awm. Hei hi Pathianni zanah ramri hrula lo neitute awmna rap in (hut) 8 tute an nih hriat loh misualin an hal atanga lo chhuak niin senior police officer pakhat chuan a sawi.
Union Hom Minister Amit Shah chuan Assam leh Mizoram Chief Minister a bia a, buaina (conflict) kawng zawng turin a hrilh. Assam Chief Minister Himanta Biswa Sarma leh Mizoram Chief Minister Zoramthanga chuan thil awm dan control tura tan lak a nih tur thu Home Minister chu an tiam.
Zoramthanga chuan civil mite an himna turin Assam CM chu Vairengte atanga Assam Police withdraw tura hrilh turin a ngen a. Assam CM chuan Pu Zoramthanga a biak thu sawiin an state ramri hrulah muanna leh dinhmun pangngai Assam-in an vawn tur a hrilh tih a sawi a. Aizawl tlawh a, a tul anga sawihona neih a duh thu pawh a hrilh a ni a ti.
Hemi hma hian Chief Minister pahnih chuan twitter-ah Home Minister hnena thil thleng an hrilhnaah intihthinurna tur hmsaah an inpuh ve ve a. Zoramthanga chuan Home Minister chu inrawlh turin a ti a. Thil thleng chu tihtawp nghal val tur a ni a ti a. Nupa Cachar atanga Mizoram rawn hawng tur pawisawi lote chu misual (thugs and goos)ten an lo suasam a ni a ti a. “Hetiang tharum thawhna hi engtinnge thiam in chantir theih ang?” a ti a ni.
Sarma chuan tweet-ah Honourbale Zoramthanga ji, Kolasib (Mizoram) SP chuan kan post atangin withdraw turin a ti a, civil mite chuan thu an ngaithla lo va, tharum thawh pawh an chawl lo a, chutiang dinhmunah engtin nge sawrkar kan kalpui theih ang. A hma thei anga i rawn inrawlh a ngai a ni” a ti a ni.
Assam leh Mizoram ramri, Assam chhim Cachar district-a Lailapur-ah chuan intihbuainaah a lo berah Assam Police pasarih chu an hliam nia sawi a ni a. Cachar Deputy Commissioner official vehicle chu suasam a ni a, Mizoram lam atangin silai hmehpuah a ni a. Hetiang tharum thawhna avang hian ramriah Assam Police te dahbelh a ni.
Assam Police hliam pakhat chuan “Lungin min vawm a, tiang thingfak (poles) leh sarawkherhtein min bei a, kan SP, IG leh DIG te pawh an awm a. Silai hmetpuak tura thupekna a awm lo. Insum tura tih kan ni a. Tunah kan mi 11 chu Silchar Medical College- ah enkawl tura lak an ni a. A dang pawh a awm” a ti. SMCH-a Assam Police hmeichhia chuan “Lunga vawmnaah ka ban ka titliak” a ti a ni.
Chawhma lamah Assam Police leh Cachar sawrkar mite chuan an ram Mizoram lamin an nek nia sawite chhuah turin an bei a. Assam sawrkar sawi dan chuan a lo berah a ram chhung kilometre 6.5 chu state pahnihten ram an inchuh chu a ni. Mahse, Mizoram sawrkar chuan ram a rawn nek tih chu a pawm lo nasa a ni.
Mizoram Deputy Inspector-General of Police (Northern Range), Lalbiakthanga Khiangte chuan PTI hnenah Aitlang lui bul buaina hmun laia lo thlam luah loh a lo berah pariat chu Pathiannni zan dar 11:30 velah hal a ni a. Hengte hi Assam hnaih ber khua Vairengte lo neitute ta a ni a. Vairengte Police- ah a neituten complaint an thehlut a, thil chhuina a kal mek a ni a ti.
Mizoram leh Assam ramri chu Assam Police-ten June thla tawp lama Vairengte atanga kilometre 5 vel Aitlang hnar, thenawm state-in an ram rawn nek an tih an control atangin lo so tan a ni.
June thla khan nikum 2020-a Mizo misual nia sawiten Primary School an hal, sak that leh tuma Assam atanga team an kal laiin grenade- a lo vawm an ni a, School chu grenade hmanga vawm chhiat a ni a. Heng thu hi tun hnaia Shillonga Home Minister Amit Shah nena inkhawmah chipchiar taka sawi a ni a. Shah chuan ramri thu chu hmamhnawh tak leh rem taka kum 2024 Lok Sabha inthlan hmaa chingfel turin a ti hlawm (all sides) a ni. (Hei hi News 18 report kan lehlin a ni. Editor Mizo Aw)
Report hnuhnung berah chuan Assaam Police 6 an thi a, civil mi tiamin mi 65 an hliam a,hliam 40 chu Silchar Medical College-ah admit an ni. Mizoram lamah pawh hliam an awm a, ramriah CRPF te dah an ni.
Post a Comment