Lawngtlai 21.July,2021 : Covid-19 Contact Tracing atang a swab sample lak tur chin, test neih chungchang leh inkhunghran (quarantine) hun chungchang Sorkarin Notification dated 29.06.2021 a 10 chhuah tawh sa luah lanin Health & Family Welfare Department chuan a hnuai a mi ang hian a chhuah a, chhuah ni atanga thu leh awm hma chu hman tur a ni:
Contact tracing atana Covid test leh quarantine chung chang
1. Primary High Risk contact (Covid kaite nena inhnimhnai, kaina chance sang te) —Mi tupawh Contact Tracing Team ten an chhuichhuah atanga Primary High Risk Contact-te chu contact an neih ni hnuhnung ber (last day of contact with covid positive) atanga ni 7-10 inkarah RT-PCR/TrueNat a test tur a ni. Ni 7-10 ral hmaa symptom a neih chuan RT-PCR/TrueNat hmanga a rang thei ang bera test nghal tur a ni. Result chhuah hma chu fimkhur leh uluk takin an in khung hrang (strict quarantine) ngei ngei tur a ni. Test result a lo negative pawhin covid-19 kai nena an in contact nih hnuhnung ber atanga chhiar a ni sawm (10) chhung chu fimkhur leh uluk takin anmahni in lamah an inkhung hrang (strict home quarantine) ngei ngei tur a ni. Hemi hnuah pawh mahni hriselna Chik takin ni 7 chhung an in en zui (strict self monitoring) ang.
2. Primary Low Risk Contact (Covid kaite nen a lo in hnaih ve, kaina chance sang lo) —te chu insawiselna (symptoms) an neih loh chuan Swab sample lak a ngai lovang a, in khung hran (quarantine) pawh a ngai lovang. Amaherawhchu, Covid-19 kaite nen an in contact atang ani 14 chhung chu mahni hriselna inchikin fimkhur takin an khawsa tur a ni.
3. Secondary contact (Direct taka Covid kaite nena in hnim hnai lo) —Primary high risk contact te nen lo inhnim hnai ve leh chhawng(e.g. an chenpui, hnai taka an contact etc)te chu Primary High Risk Contact te result chhuah hma chu an lo inkhung hrang phawt tur a ni a, Primary High risk contact te result a negative chuan secondary contact te swab sample lak a ngai lovang a, inkhung hran chhunzawm a ngai lovang.
Contact chungchang sawifiahna:
Contact tracing chhuina atan chuan Covid kaite an positive tih hriat chhuah atanga chhiar leta ni 4 (ni li) chhunga an contact te a huam ang. Contact te chu hetianga then an ni ang -
1. Primary High Risk Contact-te Chu:
a) Covid-19 kai khak, thisen, luak, chil, zun, ek etc kut lawnga khawih leh Covid-19 kaiin an khuh/hahchhiau khum.
b) PPE hmanglo a Covid-19 kai taksa khawih (eg.chibai) leh en dik (exam).
c) Covid-19 kai thawmhnaw, mutbu, bungbel (eg.Thleng, no etc), thil dang an khawih e.g. lehkha, pawisa etc.hnu darkar 24 ral hmaa invenna (e.g.Sanitzer-hman, Kutsil,etc.) hmanglo/inveng zui lova khawih.
d) Covid-19 kai nena in khata khawsa ho (family members).
e) Invenna (mask) hmang lova Covid-19 kai nen 2 metre (6 ft) aia inhnaih a awm ho.
f) Covid-19 kai nen Metre hnih (6ft) aia inhnaiha motor/rel/thlawhna etc a chuang ho.
g) Covid-19 kaite nen hnathawhna hmun (office/dawr,etc.) a pindan khata thawk ho.
h) Covid-19 kai ten Puipunna hmun (eg.Dawr/ATM/Petrol Pump, etc.) an tlawh a nih chuan chumi hmuna thawktu covid-19 kai 10 hnaih tu leh Covid- 19 kai awm laia invenna hmang lova 10 awm/kal ve te chu Primary High Risk Contact ah chhiar an ni ang.
2. Primary Low-risk contact te chu:
a) Covid- 19 kai nen meter hnih (6ft) aia inhlata hmunkhata awm ho.
b) Metre hnih(6ft) aia hla a rel/motor/thlawhna a Covid kaite nen chuang ho.
c) High risk a chhiar phak si loh, covid kai nena 10 inhnaih ve deuh sa tliah
3. Secondary contact:
Covid kai leh anmahni tak chu direct takin an in contact lova, mahse Primary high risk contact te nena lo inhnim hnai ve leh chhawng an ni. Invenna hmang lova Primary high risk contact nen 1 metre (3 ft) aia inhnaiha minutes 15 vel leh a aia rei awm hote, primary high risk contact chenpuite, invenna tel lo va primary high risk contact te nen 1 metre (3 ft) aia awm ho te a huam a ni.
Post a Comment