Lawngtlai, July 31, 2021 : Nimin khan Mualcheng ‘S’ khawtlang chuan District Level Task Force, Lawngtlai hnenah chawhmeh thahnem tak an hlan.
Mualcheng South hi Lunglei District chhunga awm ni mahse, Chawhmeh leh thildang te an zawrhna leh an chak lakna ber hi Lawngtlai Khawpui niin, Lawngtlai Khawpui chhungah Hrileng avanga harsatna thleng mek vangin, Lo leh Huan leh ram lam atanga Chawhmeh chi hrang hrang an lakkhawm chu nimin khan Lawngtlai District Level Task Force on Covid-19 kutah hlan in, heng an chawhmeh lakkhawm te hi Motor Trip 5 lai a ni a, Chawhmeh lamchi, thlai hnah leh thlai rah bakah, thei lam chi te, Rawtuai leh Lakhuihthei te nen, avaiin chi hrang 22 lai niin, hengte hi District Level Task Force, ai awh in Pi PT.Beikhaizy, SDO ( Sadar) chuan alo dawngsawng a, heng chawhmeh chi hrang hrangte hi Lawngtlai Khawpui chhunga Home Quarantine leh Home Isolation a awm mekte hnenah VLTF kaltlangin an sem chhuak vek dawn ani.
Heng thilpek rawn petu Mualcheng South te hnenah hian lawmthu sawi nan DC Office chuan Turpauline 3 an pe a, Lawngtlai District VC Association in Rs 3000/- leh MJA Lawngtlai District ten Rs 1000/- ten an lo pe a. An aiawh hian Pu Elvis Lalthangzuala MJA Vice President leh LDVCA a Gen.Secretary nibawk chuan a hlan a ni. Mualcheng South khawtlang hnen a lawmthu sawinan New Vengpui VLTF chuan Buhfai bag hnih an hlan bawk.
Mualcheng South Village Council President Pu C. Zosangliana chuan Lawngtlai hi Mualcheng South mipui ten sum an lakluhna leh chakkhai an lamna ber a ni a, Lawngtlaia kalte duat taka lo enkawl a, eiturte lo pe a, lo kilkawi thin tu Lawngtlai Khawpuiin harsatna Covid an tawk hi a pawi kan ti a, kan theih ang anga tanpuina kan pek hi kan tihtur ah kan ngai ani tiin, thilpek an dawng let chu an beisei loh anih thu leh lawmawm an tih thu a sawi.
Post a Comment