Lawngtlai, July 31, 2021 : Bazar Veng, Lawngtlai huam chhungah Covid-19 hri kai hmuh belh zel a nih avangin leh hri inkai darh zel tur ven nan Chief Medical Officer, Lawngtlai rawtna angin Dr. Andrew H. Vanlaldika, Deputy Commissioner, Lawngtlai chuan vawiin tlai dar 5:00pm atanga thuleh awm hma atana hman turin Bazar Veng, Lawngtlai huam chhung chu Micro Containment Area-ah a puang.
Micro Containment Area chhungah hian Deputy Commissioner, Lawngtlai leh a veng neitu VLTF-in phalna an pekte, dan leh thupek kengkawhtute leh medical duty-te tih loh chu tu mah luh leh chhuah phal a ni lo va. Tul tawp a nih loh chuan Micro Containment Area puanna veng mipuite pawh pawn chhuah leh inlen pawh khap a ni. Veng leh veng inkal pawhna kawng (main road) erawh tlan tlang phal a ni thung.
Post a Comment