Lawngtlai 30.07.2021 : Vawiin 30th July 2021 (zirtawpni) hian Pu Manghmunga chinzah Chief Executive Member, Lai Autonomous District Council chuan Kan District chhunga Covid-19 Hrileng dona kawngah chak zawka hmalak anih theih nan leh Covid-19 Test tam zawk kan neih theih nan tiin RAgT test kit leina District Hospital Lawngtlai-ah Rs.2,88,750.00/- pein Dr. Thaizi, Senior Medical Officer, Dist. Hospital chuan a lo dawng a ni.
Pi Thaizii SMO chuan, "Covid-19 Hrileng dona kawngah LADC Sorkarin theih tawp a chhuahpui thin chu lawmawm atih thusawiin, thil tam tak antih sak tawhte an hrerenga theih tawpchhuaha hmalakpui zel turin a ngen nghal bawk" a ni.
Pu Manghmunga Chinzah CEM LADC chuan, kaihruai LADC Sorkar chuan Covid-19 dona kawngah theih tawpchhuahin hma ala zela CMO leh a thawhpuite'n theih tawpchhuaha an hmalakna chu an lo thlir ve reng a, an thawhrimna leh an thahnemngaihna avangin lawmthu a sawiin Ram mipuite himna tur anih phawt chuan theihtawp chhuaha hmalak zel LADC Sorkar chuan a tum thu a sawi" ani.
Vawiin vek hian Pu Manghmunga Chinzah CEM LADC chuan, Saizawh khuaa nasa taka Positive hmuhchhuah an nih avang leh an Khawthlang harsatna tawhte hriatpuiin Rs. 40,000 (Singli) atul ang apianga hman turin a pe a. Saizawh Khawthlang aiawhin Pu V. Zirsanga Chairman LADC leh Bialtu MDC nibawk chuan a dawng ani.
Post a Comment